Kina ka thyer një tjetër rekord botëror me urën më të lartë në planet. Ura Huaijiang, një arritje e jashtëzakonshme inxhinierike, do të inaugurohet këtë muaj në provincën Guizhou. Me një lartësi prej 624 metrash mbi tokë – pothuajse dyfish i Kullës Eiffel – ura vendos një standard të ri global.
E gjatë 2.892 metra, ura përshkon një gryke të quajtur nga vendasit “çarja e tokës” dhe do të shkurtrojë ndjeshëm kohën e udhëtimit për mbi 600 mijë banorë, duke lidhur krahinat Guanling dhe Zhenfeng. Udhëtimi, që më parë zgjaste dy orë, tani do të kryhet në vetëm dy minuta.
Përveç funksionalitetit, ura ka edhe elementë spektakolarë: ashensor panoramik 213 metra i lartë dhe shteg xhami gjysmë milje të gjatë, që e kthejnë në një atraksion turistik të vërtetë.
