Kryeministri Edi Rama prezantoi sot Operatorin Kombëtar për Prodhimin e Ujit, duke theksuar se shumë shpejt do të nisë edhe plani për heqjen e depozitave nga pallatet, të cilat mund të jenë burim katastrofash.
“Depozitat janë kthyer në pesha të jashtëzakonshme mbi pallate të ndërtuara dhe mund të shkaktojnë fatkeqësi. Koha ka ardhur të veprojmë,” tha Rama.
Kreu i qeverisë nënvizoi gjithashtu masat kundër abuzimeve, kryesisht për qëllime fitimi, si lavazhet:
- Uji në qiell është diçka tjetër, në rubinet diçka tjetër. Kur futet në sistem, bëhet prodhim i njeriut, një mall jetik që shpërndahet dhe shitet.
- Faza e dytë e reformës do të fokusohet në prodhimin, shpërndarjen dhe furnizimin me ujë, duke ndaluar abuzuesit me lidhje të paligjshme dhe lavazhe që përdorin ujë pa pagesë.
- Nga faza e parë e reformës janë lidhur 100 mijë përdorues të rinj dhe janë prerë një numër i konsiderueshëm lidhjesh të paligjshme.
Plani i masave do të synojë ndalimin e abuzimeve dhe sigurimin e shërbimit të drejtë për qytetarët që paguajnë.