Mesfushori i Kombëtares shqiptare, Qazim Laçi, po tregon formë të shkëlqyer me ekipin e tij të ri, Rizespor, në Superligën turke. Këtë fundjavë ai zhvilloi një ndeshje të mirë kundër Kasimpasës, edhe pse ekipi i tij u mposht.
Pavarësisht humbjes, Laçi u përfshi në formacionin e javës, duke u vlerësuar me notën 8.0 për paraqitjen e tij.
Deri tani, mesfushori ka zhvilluar 6 ndeshje me skuadrën turke, duke marrë shumë minuta në fushë, megjithatë ende nuk ka regjistruar asist apo golin e parë. Performanca e tij e qëndrueshme tregon se ai po përshtatet shpejt dhe po kontribuon në mënyrë të dukshme në ekipin e ri.
