PSG ka lënë pas krahëve katastrofën në finalen e Botërorit të Klubeve dhe është kthyer të fitojë trofe, duke triumfuar tashmë në Superkupën e Europës përballë Totenhemit. Një triumf që erdhi falë penalltive dhe jo pa peripeci në një ndeshje që u kontrollua për një pjesë të madhe nga anglezët.
Ata ia dolën të shënonin dy herë me Van de Ven dhe Romero falë edhe paraqitjeve jo shumë bindëse të Shevalie në portë, sidomos te goli i dytë që ishte plotësisht gabim i tij. Por stoli i parisienëve bëri diferencën, pasi emrat që hynë në minutat e fundit ndryshuar fatin e duelit. Fillimisht ishte Li ai i cili shkurtoi diferencën në minutën e 85-të e më pas Ramos në minutën e 94-t shënoi golin e barazimit 2-2 që çoi ndeshjet te penaltitë.
Aty Vitinja humbi të parën, por më pas ishin Van de Ven dhe Tel të cilët gabuan tentativat e tyre për anglezët, duke i dorëzuar kësisoj trofeun parisienëve.