Të paktën 200 persona u arrestuan sot gjatë protestave kundër masave shtrënguese në zonën e Parisit, njoftoi policia lokale.
Raportet mediatike thanë se protestuesit përpoqën të bllokonin një depot autobusi dhe shkolla të mesme, duke shkaktuar ndërprerje të trafikut dhe tension në disa zona.
Duke cituar burime policore, gazeta “Le Parisien” raportoi se rreth 1,000 protestues ishin regjistruar në gjithë Francën, me 10 bllokime rrugësh të raportuara në qytete të ndryshme, përfshirë Bordo, Lion dhe Marsejë.
Protestat, të mbajtura nën moton “Blloko gjithçka”, janë kryesisht kundër planeve të shtrënguara të paralajmëruara prej kohësh, por vijnë pas rrëzimit të qeverisë franceze këtë javë pas një votimi mosbesimi.
Ish-ministri i Mbrojtjes, Sébastien Lecornu, është emëruar kryeministër i ri nga presidenti Emmanuel Macron. Autoritetet janë në gatishmëri të lartë për shkak të protestave, me rreth 80,000 pjesëtarë të forcave të sigurisë të mobilizuar.