Tifozët e Real Madrid kanë shprehur hapur pakënaqësinë e tyre ndaj presidentit të klubit, Florentino Perez, duke brohoritur “Florentino Perez, jep dorëheqjen” dhe duke e fishkëllyer atë së bashku me skuadrën përpara startit të ndeshjes me Levanten.
Reagimi erdhi në momentin kur figura e presidentit u shfaq në ekranet e mëdha të stadiumit “Santiago Bernabeu”.
Atmosfera në stadium ishte e tensionuar, me një pjesë të tifozëve që shfaqën pakënaqësi për situatën aktuale të ekipit dhe drejtimin e klubit.
Ky reagim publik vjen pas shkarkimit të Xabi Alonsos dhe situatës së keqe që “Los Blancos” po kalon, si një sinjal i fortë presioni ndaj drejtuesve të Real Madrid.