Nga Xhensil Shkëmbi
Para 9 vitesh, një fëmijë lindi në martenitetin e Korçës dhe u braktis. Nëna e tij nuk deshte t’i vendoste as emër. E la dhe iku. Fëmija u rrit me përkujdesjen maksimale me dashuri dhe ngrohtësi. Sot ai është bërë një djalosh i mrekullueshëm dhe kishte dëshirë që në këtë muaj festash të merrte një nismë.
Të dërgonte në martenitetin e Korçës dy dhurata për fëmijët e porsalindur.
Diçka e vogël? Jo. Është diçka madhështore që një fëmijë i braktisur nga nëna biologjike i kërkon Rezartes që në kishë të mblidhnim disa dhurata për fëmijët që do lindin në Dhjetor.
Ndërsa të rinjtë e Kishës Ungjillore duan ta bëjnë akoma dhe më të madhe këtë nismë që nisi djaloshi jonë shembullor. Bashkë me të, ne duam të mbledhim dhurata për fëmijët e familjeve të varfera dhe t’i gëzojmë ata
Të gjithë që duan të kontribuojnë, janë të lutur të më kontaktojnë mua apo Rezarta Zenullari ne Facebook apo dhuratat tuaja t’i lini pranë Kishës Ungjillore Libonik.
Ne do të shpërndajmë ato dhe bashkë me ju do bëhemi arsyeja e një buzëqeshje të ngrohtë në këtë dhjetor
Sepse Zoti do që njerëzit të jenë të mirë…
