Ditën e sotme është shoqëruar me urgjencë në mjediset e Spitalit Rajonal Korçë i dënuari me burgim të përjetshëm, Hysni Qamil Repaj, 64 vjeç, lindur dhe banues në Shkodër.
Repaj ishte i dënuar për veprat penale “Vrasje me dashje në lidhje me një krim tjetër” dhe “Armëmbajtje pa leje”. Gjatë vuajtjes së dënimit, ai është trajtuar edhe për probleme të shëndetit mendor nga mjeku psikiatër.
I dënuari u dërgua urgjentisht në shërbimin e urgjencës së Spitalit Rajonal Korçë pas konstatimit përmes oksimetrit se kishte rrahje zemre të ulëta (bradikardi).
Gjatë procedurave të ekzaminimit në këtë spital, gjendja shëndetësore e të dënuarit u përkeqësua, duke përfunduar në arrest kardiak respirator. Pavarësisht ndërhyrjes dhe ndihmës mjekësore të dhënë, ai nuk arriti të rikthehej në jetë, duke rezultuar në humbjen e jetës. Janë njoftuar Prokuroria dhe SHKKB.