Drejtoresha e përgjithshme Anila Jole, me anë të një reagimi, tha se është dita e dytë që gazetarët dhe operatorët e News 24 nuk hyjnë dot në ambientin e tyre të punës.
Ajo tha se të gjithë e kanë mbështetur News 24, si televizionin më të madh infromativ në vend. Jole nënvizoi se ka besim se organet e drejtësisë do të reagojnë dhe se News 24 do rikthehet.
Anila Jole: Siç e shikoni, është dita e dytë dhe ne gazetarët nuk hyjmë dot në zyrat tona. Falënderoj të gjithë kolegët për reagimet. Gjithashtu falënderoj ambasadat. Tv do të rikthehet, nuk mund të mbyllet. Është një televizion shumë i dashur për qytetarët. Unë shpresoj që nesër do ketë zhvillim tjetër. Kontrata e qirasë mbaron në vitin 2033. Le të na gjejnë një korridor hyrje dhe ne të hyjmë të punojmë.