LDK ,dega Fushë Kosovë zyrtarizoi mbrëmjen e kësaj prag fundjave znj.Majlinda Shaqiri dhe z.Besnik Osmani kandidatë për deputet në zgjedhjet e 28 dhjetorit 2025.
Kryesia e degës së Lidhjes Demokratike të Kosovës në Fushë Kosovë miratoi me vendim unanim dy kandidaturat që do të përfaqësojnë degën në zgjedhjet parlamentare të 28 dhjetorit. Në garë për deputet do të jenë z.Besnik Osmani dhe znj.Majlinda Shaqiri, të cilët morën besimin e plotë të strukturave të LDK-së lokale.
Sipas njoftimit, zgjedhja e dy kandidatëve vjen në kuadër të procesit të brendshëm të konsultimit dhe dakordimit me anëtarësinë duke synuar përfaqësim të denjë dhe rritje të rolit të degës së Fushë Kosovës në skenën politike.
LDK në Fushë Kosovë thekson se mbetet e përkushtuar në mbrojtjen e interesave të qytetarëve, forcimin e shtetit dhe avancimin e demokracisë, ndërsa shpreh bindjen se kandidatët e propozuar do të jenë zë i përgjegjshëm dhe përfaqësues i denjë në Kuvendin e Kosovës.
