Mesfushori i Kombëtares shqiptare, Kristjan Asllani, është zyrtarisht lojtar i Torinos, duke nisur një kapitull të ri në karrierën e tij pas periudhës te Interi, ku mbante fanellën me numër 21.
Klubi granata ka zgjedhur ta prezantojë në mënyrë të veçantë, duke luajtur bilardo, një simbol i saktësisë dhe mjeshtërisë, një metaforë e përdorur në Itali për lojtarët me goditje precize. Në këtë kontekst, Asllani njihet si një “mjeshtër i bilardos” për aftësitë e tij në fushë.
Numri i fanellës që do të mbajë në Torino është 32, një numër i ri që nuk është përdorur më parë te klubi. Në një video të publikuar në rrjetet zyrtare, Asllani shprehet:
“Gati për të luajtur.”
Mesfushori shpreson të ketë më shumë minuta në fushë se sa te Interi dhe gjen mbështetje te shoku i tij shqiptar, Ardian Ismajli, duke krijuar një lidhje të fortë përballë sfidave të sezonit të ri.
