Kryeministri Edi Rama publikoi pamje nga disa prej projekteve madhore të infrastrukturës rrugore që kanë transformuar lëvizjen në vend dhe kanë rritur sigurinë rrugore.
Mes tyre veçohen:
- Tuneli i Llogorasë – hapur në maj 2025, lehtëson aksesin drejt bregdetit jugor dhe i shërben sezonit turistik.
- Rruga e Arbrit – e përfunduar me hapjen e Tunelit të Murrizit (3,78 km) në mars 2025, një korridor strategjik Lindje–Perëndim me gjatësi 74 km.
- Autostrada Thumanë-Kashar – e hapur në qershor 2024, 21 km gjatësi, shpejtësi 130 km/orë, pjesë e Korridorit Adriatiko-Jonian.
- Unaza e Madhe e Tiranës – projekti më i madh infrastrukturor i kryeqytetit, 28,7 km, e hapur për qarkullim në dhjetor 2024.
- Aksi Korçë-Ersekë – 45 km gjatësi, shkurton distancën mes dy qyteteve me 35 km.
“Rrugët kombëtare të reja, një buqetë e infrastrukturës shqiptare që ka shkurtuar distancat,” – shkroi Kryeministri Rama, duke nënvizuar rëndësinë e këtyre veprave për zhvillimin ekonomik dhe turizmin.