Shqipëria do të prezantohet nga 21-25 janar në Panairin Ndërkombëtar “Fitur” në Madrid.
Ministri i Turizmit, Kulturës dhe Sportit, Blendi Gonxhja ndau sot në rrjetet sociale videon promovuese për pjesëmarrjen në këtë panair.
“Me një stendë edhe më të bukur, nën moton “Albania All Senses”, Shqipëria rikthehet në Madrid për të prezantuar emocionet, shijet dhe traditat tona unike”, theksoi Gonxhja.
Ministri Gonxhja tha se “në panairin ndërkombëtar të turizmit FITUR, ne vazhdojmë traditën e pjesëmarrjes sonë, duke treguar diversitetin e jashtëzakonshëm turistik që ofron vendi ynë dhe duke i ftuar vizitorët nga Spanja dhe e gjithë bota të zbulojnë magjinë e vendit tonë”.
Nën sloganin “Albania, all senses”, Shqipëria synon të tërheqjen e vizitorëve përmes shembullit të praktikave pozitive e të qëndrueshme në turizëm që promovojnë destinacone të turizmit natyror, prodhuesit lokalë, traditat e lashta, produktet artizanale e mikpritjen shpirtërore.
Stenda e Shqipërisë në panairin “Fitur” në Madrid vitin e kaluar tërhoqi mijëra vizitorë, të cilët treguan interes për t’u njohur dhe për të vizituar vendin tonë.