Shqipëria ka arritur një fitore minimale 0-1 në miqësoren ndaj Gjibraltarit, falë një goli të shënuar nga Jasir Asani me penallti në minutën e 69’. Sfida u zhvillua në “Europa Point Stadium” dhe u transmetua drejtpërdrejt në DigitAlb.
Pjesa e parë foli për kuqezinjtë, por rastet ishin të pakta, me tentativa nga distanca të Asanit dhe Berishës. Zhbllokimi erdhi pas një penalltie të fituar nga një prekje e topit me dorë në zonë, të cilën Asani e shndërroi në gol.
Skuadra e trajnerit Sylvinho kërkoi edhe golin e dytë, por mbrojtja e Gjibraltarit rezistoi. Shqipëria shmangu një rezultat zhgënjyes përballë një kundërshtari modest dhe tani fokusohet te ndeshja me Letoninë në Tiranë, e vlefshme për Kualifikueset e Botërorit 2026.
