Kryeministri Edi Rama ka folur në emisionin “Opinion” për projektin e madh që pritet të zhvillohet në ishullin e Sazanit nga sipërmarrësi amerikan Jared Kushner, dhëndri i ish-presidentit Donald Trump. Rama theksoi se ishulli nuk është shitur dhe as nuk do të shitet ndonjëherë, por shteti shqiptar do të jetë partner në këtë investim.
Kreu i qeverisë shtoi se negociatat për detajet e partneritetit janë ende në zhvillim dhe se marrëveshja finale do të kalojë në parlament. Ai bëri një krahasim metaforik duke thënë se “është si puna e ndarjes së Kosovës, ku një veprim i gabuar nuk mund të kthehet lehtë”, duke theksuar seriozitetin e projektit.
Sa i përket fillimit të punimeve, Rama u shpreh se për disa muaj pritet të përfundojë masterplani, i cili do t’i prezantohet publikut. Ai premtoi se standardet e reja të infrastrukturës së mikpritjes do ta kthejnë Sazanin dhe Zvërnecin në një destinacion ëndrre për turistët.