Ai bëhet i pari alpinist në botë që arrin një sukses të tillë
INDI – Zbritja me ski nga Everesti pa oksigjen shtesë. Ky është rekordi i arritur nga alpinisti polak Andrzej Bargiel. Videoja e këtij suksesi, e para në këto kushte, u postua në profilin e mbajtësit të rekordit në Instagram.Bargiel përfundoi zbritjen poshtë shpateve të mbuluara me borë të malit Everest, maja e të cilit arrin 8.849 metra. “Jam në majë të malit më të lartë në botë dhe do ta zbres me ski”, tha ai para se të fillonte ndërmarrjen e tij.
Everesti ka qenë vendi i zbritjeve me ski në të kaluarën, por asnjëra nuk ka qenë e vazhdueshme dhe pa oksigjen shtesë. Në vitin 2000, slloveni Davorin Karnicar bëri zbritjen e parë të plotë me ski nga maja e Everestit në kampin bazë, por ai ishte i pajisur me një bombol oksigjeni.
