Basketbollisti elbasanas Samuel Skëndaj do të jetë pjesë e Tiranës për sezonin 2025-2026, duke i shtuar skuadrës bardh e blu forcë dhe eksperiencë në repartin e lojtarëve të brendshëm. Lajmin e ka konfirmuar vetë Klubi Shumë Sportesh Tirana, që e prezantoi me entuziazëm rikthimin e tij.
“Samuel Skëndaj bashkohet me Tiranën për sezonin 2025-2026! Klubi Shumë Sportesh Tirana njofton me kënaqësi afrimin e basketbollistit Samuel Skëndaj, i cili do të jetë pjesë e ekipit bardh e blu për sezonin e ardhshëm.
I rritur në Elbasan, Samueli nisi karrierën me ekipin e parë që në moshën 14-vjeçare. Më pas, në moshën 16-vjeçare veshi për herë të parë fanellën e Tiranës, për të vijuar karrierën me Dinamon, Partizanin, Elbasanin dhe së fundmi Apoloninë.
Skëndaj është aktivizuar rregullisht me përfaqësueset kombëtare të moshave, nga U16 deri në U20, duke treguar vazhdimisht potencial dhe përkushtim. Ai luan në pozicionet 4 dhe 5, dhe pritet të sjellë forcë, eksperiencë dhe pasion në parket. Mirë se vjen sërish në familjen bardh e blu, Samuel”, thuhet në njoftimin e klubit bardheblu.
albaniaexpress.al