Në kuadër të muajit të shenjtë të Ramazanit, deputetja e Elbasanit, Aulona Bylykbashi, shtroi një darkë iftari në praninë e myftiut Agim Duka, besimtarëve, kolegëve deputetë dhe përfaqësuesve të komunitetit.
Në një mesazh të ndarë me të pranishmit, ajo theksoi se kjo mbrëmje ishte një moment reflektimi dhe bashkimi, duke vënë në pah vlerat e solidaritetit dhe mirëkuptimit që përcjell muaji i Ramazanit. Sipas saj, Ramazani është një kohë që na kujton rëndësinë e mirësisë, respektit dhe kujdesit për njëri-tjetrin.
Më herët gjatë ditës, deputetja Bylykbashi zhvilloi edhe një takim me mësueset e shkollës së mesme profesionale në Elbasan, për 7 Marsin, Ditën e Mësuesit të cilat i falënderoi dhe vlerësoi për kontributin e tyre në arsimin profesional.
Ajo theksoi se arsimi profesional mbetet një nga prioritetet kryesore, duke nënvizuar rolin e rëndësishëm që ky sektor ka në përgatitjen e të rinjve për tregun e punës.
