Egnatia dhe Dinamo kanë ndarë pikët në atë që u cilësua si kryendeshja e javës në Superiore.
Në një sfidë të luftuar mes pretendentëve për titull, nuk kanë munguar rastet për të shënuar, por asnjë nga skuadrat nuk ka qenë e qartë sa duhej para portës.
Kështu në fund të sfidës, të dy ekipet e mbyllën në barazimin 0-0, por edhe me nga 10 lojtarë për shkak të kartonëve të kuq të Loran e Xhemajlit në minutat e fundit të duelit.
Tirana dhe Teuta kanë ndarë nga një pikë në ndeshjen e zhvilluar në “Air Albania”, e vlefshme për javën e shtatë të Superiores. Sfida u mbyll pa gola, 0-0, në një duel ku mungoi saktësia para portës.
Bardheblutë, të motivuar nga fitorja në derbin ndaj Partizanit, nuk arritën të përsërisin të njëjtin nivel loje, ndërsa Teuta humbi disa mundësi të mira dhe u ndal nga ndërhyrjet vendimtare të ish-portierit të saj, Tafas.
Aktualisht, durrsakët mbajnë vendin e katërt me 11 pikë, po aq sa Dinamo, ndërsa Tirana renditet në vendin e tetë me 6 pikë.
