Policia e Shtetit ka zhvilluar kontrolle të gjera në zonat malore të Shkodrës, Malësisë së Madhe dhe Vaut të Dejës, duke asgjësuar gjithsej 8028 bimë të dyshuara narkotike cannabis sativa.
Vetëm në njësitë administrative Pult dhe Shosh, u gjetën e asgjësuan 7073 bimë, ndërsa në Kelmend u asgjësuan 780 bimë, dhe në Temal u gjetën 175 bimë.
Si pasojë e këtyre operacioneve, janë proceduar penalisht 5 kryetarë fshatrash për shpërdorim detyre, mes tyre edhe për moskallëzim krimi. Materialet u referuan në Prokurori për vijim të hetimeve.