Sulmuesi i Kombëtares shqiptare, Arbër Hoxha, shkëlqeu në Kroaci duke realizuar dy gola për Dinamo Zagreb në fitoren ndaj Varazdinit, në ndeshjen e kampionatit kroat.
27-vjeçari shkon kështu në kuotën e 5 golave në 12 ndeshje të këtij edicioni dhe ka dhuruar gjithashtu dy asiste për ekipin e tij.
Hoxha ishte shpallur pak më parë “Lojtari i muajit tetor” nga klubi kroat, një njohje e merituar për formën e tij të mirë.
Sulmuesi shqiptar luajti gjithashtu minutat e plota në ndeshjet kualifikuese për Botërorin me Kombëtaren e Shqipërisë, ndaj Andorrës dhe Anglisë, duke konfirmuar një formë të lartë në nivele të ndryshme.