Barcelona ka marrë një fitore të pastër 3-0 ndaj Getafes, duke mos lejuar hapësirë për gabime në garën me Real Madridin kryesues.
Spektakli nisi herët, kur Dani Olmo dhuroi një pasim me thembër që u kthye në asist për Ferran Torres, i cili hapi serinë e golave. Sulmuesi spanjoll shënoi edhe të dytin, duke e bërë praktikisht ndeshjen të mbyllur që në pjesën e parë.
Në fraksionin e dytë, Dani Olmo mori skenën për vete, duke finalizuar me gol dhe vulosur një triumf të bindshëm për skuadrën e Hansi Flick.
