Në Cërrik është zyrtarizuar ndryshimi në drejtimin e bashkisë. Pas emërimit të Andis Sallës si Ministër i Bujqësisë dhe Zhvillimit Rural në kabinetin “Rama 4”, Këshilli Bashkiak u mblodh sot për të miratuar ndërprerjen e parakohshme të mandatit të tij si kryebashkiak.
Në të njëjtën mbledhje, anëtarët e Këshillit vendosën të komandojnë në krye të institucionit z. Florenc Doko, një figurë e njohur për qytetin e Cërrikut. Doko ka mbajtur më parë poste të rëndësishme, si në administratën vendore ashtu edhe në institucione publike, duke u konsideruar si një profil me eksperiencë në drejtim.
Ky vendim i Këshillit Bashkiak shënon një etapë të re për Cërrikun, ndërsa qyteti do të ketë një drejtues të përkohshëm deri në përcaktimin e një zgjidhjeje të qëndrueshme institucionale.
