Kryebashkiaku Mariglen Disha nënshkruan marrëveshje bashkëpunimi me përfaqësuesit e Katarit, projekte të reja zhvillimi për Librazhdin

Bashkia Librazhd dhe përfaqësues të Ambasadës së Katarit dhe organizatës “Qatar Charity” nënshkruajnë marrëveshje bashkëpunimi. Synimi është realizimi i projekteve të reja që do të kontribuojnë në përmirësimin e jetës së komunitetit.

LIBRAZHD , 18 nëntor 2026/Albania Express News/-Kryetari i Bashkisë Librazhd, Mariglen Disha, priti në ambientet e institucionit një delegacion të përfaqësuesve të Katarit, në kuadër të forcimit të bashkëpunimit dhe konkretizimit të nismave të reja në mbështetje të komunitetit lokal.

Në këtë takim morën pjesë i Ngarkuari me Punë i Ambasadës së Katarit në Shqipëri, Mr. Abdulaziz Mohammed Al-Sahli, Drejtori Rajonal i organizatës “Qatar Charity”, Hasen Al-Neimi, si dhe Drejtori i Programeve pranë Zyrës Shqiptare, Mahmoud Abass Shaker.

Në fokus të takimit ishte nënshkrimi i një marrëveshjeje bashkëpunimi për realizimin e projekteve të reja në qytetin e Librazhdit, të cilat synojnë të sjellin përmirësime konkrete në jetën e banorëve dhe të mbështesin nevojat e komunitetit.

Kryebashkiaku Mariglen Disha e vlerësoi këtë marrëveshje si një mundësi të re për zgjerimin e bashkëpunimit ndërinstitucional dhe ndërkombëtar, duke theksuar rëndësinë e projekteve që mund të realizohen në të ardhmen në funksion të zhvillimit të qytetit.

Bashkëpunimi me Ambasadën e Katarit dhe organizatën “Qatar Charity” hap perspektiva të reja për iniciativa që synojnë të adresojnë nevoja të komunitetit dhe të kontribuojnë në zhvillimin lokal të Librazhdit.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME