Teatri “Migjeni” i Shkodrës po kalon një restaurim dhe modernizim të plotë. Punimet, të financuara nga Ministria e Ekonomisë, Kulturës dhe Inovacionit (MEKI), përfshijnë instalimin e sistemeve moderne të kondicionimit, rishikimin e impianteve elektroteknike të skenës, ndriçimit dhe sigurisë, si dhe mobilimin me ndenjëse të reja.
Kjo krijon kushte optimale për spektatorët dhe artistët, duke mundësuar zhvillimin e më shumë ngjarjeve kulturore me një rritje të pritshme prej 30% çdo vit.
Restaurimi i teatrit 76-vjeçar është një hap i rëndësishëm për trashëgiminë kulturore, turizmin, zhvillimin ekonomik dhe edukativ të Shkodrës, qytet i njohur si “djep kulture”.
