Kryeministri Edi Rama uroi sot nxënësit për nisjen e vitit të ri shkollor 2025-2026, duke iu drejtuar posaçërisht 345 mijë nxënësve që rikthehen në bankat e shkollës dhe 26,500 fëmijëve të klasave të para që hedhin sot hapat e parë në rrugën e dijes.
Në të gjitha shkollat e vendit ka nisur zyrtarisht viti i ri mësimor, i cili, sipas Ministrisë së Arsimit dhe Sportit, sjell risi dhe investime të rëndësishme në infrastrukturën arsimore. Vetëm sot kanë hapur dyert 30 shkolla të reja në qytete dhe fshatra nga veriu në jug të Shqipërisë.
Gjithashtu, MAS ka shpërndarë libra falas për 236 mijë nxënës, duke mbështetur kështu familjet dhe duke lehtësuar barrën financiare të tyre.