MZSH Cërrik, bën analizën dhe bilancin e zjarreve të rëna gjatë stinës së verës 2026: Reagim i shpejtë ,profesional dhe vetëm dëme minimale në territor

CËRRIK, 1 tetor 2026 /Albania Express News/- Shërbimi i Mbrojtjes nga Zjarri dhe Shpëtimit (MZSH) në Bashkinë Cërrik ka zhvilluar analizën e punës së kryer gjatë muajit, në një periudhë kur po mbushen gjashtë muaj nga marrja e detyrës nga shefi i shërbimit zjarrfikës, Klevis Muça.

Përmes një postimi në faqen e tij zyrtare në Facebook, Muça ka bërë një përmbledhje të angazhimeve të strukturës zjarrfikëse gjatë muajve të fundit, duke vënë në dukje veçanërisht sezonin e verës, i cili është shoqëruar me një sërë situatash dhe ndërhyrjesh në territorin e Bashkisë Cërrik.

Sipas tij, gjatë kësaj periudhe efektivët e MZSH Cërrik kanë qenë në gatishmëri të vazhdueshme, duke iu përgjigjur situatave të krijuara dhe duke ofruar shërbim për komunitetin.

Muça thekson se gatishmëria e përforcuar, reagimi në kohë dhe ndërhyrjet e shpejta kanë ndihmuar që dëmet e shkaktuara nga zjarret në territorin e bashkisë të mbahen në nivele minimale.

“Ky është rezultat i punës, përkushtimit dhe bashkëpunimit të të gjithë efektivëve tanë”, shprehet shefi i shërbimit zjarrfikës të Cërrikut.

Në fokus të analizës ka qenë edhe puna e ekipit gjatë një sezoni me ngarkesë të shtuar, ku gatishmëria operacionale dhe reagimi i shpejtë kanë qenë elementë të rëndësishëm në përballimin e situatave të zjarreve.

Klevis Muça ka deklaruar se puna e MZSH Cërrik do të vijojë me të njëjtin përkushtim dhe përgjegjësi, duke garantuar gatishmërinë për t’iu përgjigjur nevojave të qytetarëve dhe situatave emergjente në territor.

“MZSH Cërrik – gjithmonë në gatishmëri!” është mesazhi i përcjellë nga shefi i shërbimit zjarrfikës në përmbyllje të postimit.

LËR NJË KOMENT

Shkruani komentin
Vendosni emrin tuaj

Ndaje me miqte

Lajmet e fundit

LAJME TË NGJASHME

Dita e Alfabetit Shqip, 118 vjet nga Kongresi i Manastirit

TIRANË , 22nëntor 2026/Albania Express News/-22 nëntori është Dita...

Dita e Alfabetit, Peleshi: Kongresi i Manastirit, hap vendimtar në formësimin e identitetit kombëtar shqiptar

TIRANË , 24 nëntor 2026/Albania Express News/-Me rastin e...

Britanikët “ndërrojnë mendje”! Sondazhi nxjerr rikthimin në BE në krye në 512 nga 632 zonat zgjedhore

TIRANË , 24 nëntor 2026/Albania Express News/-Një sondazh i...