TIRANË ,20 shtator 2026 /Albania Express News/-Një ngjarje e rëndë kriminale është regjistruar mëngjesin e kësaj të diele në qendër të Sarandës, ku një person dyshohet se është vrarë me armë zjarri.
Sipas të dhënave paraprake, viktimë e të shtënave dyshohet se ka mbetur Artan Myrtaj, 42 vjeç.
Nga të shtënat është plagosur gjithashtu edhe një kalimtar, i cili është transportuar për marrjen e ndihmës mjekësore.
Në vendngjarje kanë mbërritur forca të shumta të Policisë, të cilat kanë rrethuar zonën dhe kanë nisur veprimet hetimore për dokumentimin e plotë të rrethanave të ngjarjes.
Deri në këto momente nuk dihen ende motivet e krimit, ndërsa nuk ka të dhëna zyrtare për autorin apo autorët e dyshuar.
Policia po punon për identifikimin dhe kapjen e autorit, ndërsa grupi hetimor po administron provat dhe dëshmitë në vendngjarje.