Kryeministri Edi Rama dhe Zëvendëskryeministrja, njëherësh Ministre e Infrastrukturës dhe Energjisë, Belinda Balluku, morën pjesë në inaugurimin e aksit Qukës-Qafë Plloçë, i cili nga dita e sotme do të jetë i aksesueshëm për të gjithë automjetet. Kryeministri u prit me daulle, muzikë dhe flamuj kuq e zi nga banorët e zonës.
Ky aks përfaqëson një arterie jetike për Juglindjen e vendit dhe pritet të shkurtojë ndjeshëm kohën e udhëtimit nga Tirana në Korçë. Pas një pritjeje 16-vjeçare, distanca do të përshkruhet tani vetëm për 1 orë e 30 minuta, duke e bërë udhëtimin më të shpejtë dhe më të sigurt.
Aksi Qukës-Qafë Plloçë jo vetëm do të lehtësojë qarkullimin, por gjithashtu krijon mundësi zhvillimi për zonën, duke nxitur turizmin dhe sektorin bujqësor, si dhe duke përmirësuar lidhjet ekonomike mes rajoneve.