Sot shënohet 27-vjetori i ndarjes nga jeta të Lady Diana-s, një prej figurave më të dashura dhe ikonike të shekullit të kaluar. E njohur si “Princesha e Zemrave” apo “Princesha e Popullit”, ajo vazhdon të kujtohet me respekt dhe dashuri në të gjithë botën, për jetën, veprën dhe trashëgiminë që la pas.Diana, Princesha e Uellsit, humbi jetën në një aksident tragjik në Paris më 31 gusht 1997, duke lënë pas një boshllëk të thellë te publiku, por edhe një ndikim të përhershëm në kauzat humanitare dhe mënyrën si i qasemi figurave publike.Ajo ishte një zë i fortë në mbështetje të njerëzve në nevojë, një përkrahëse e të drejtave të fëmijëve dhe një avokate e përkushtuar për luftën kundër HIV/AIDS dhe minave tokësore. Për këto arsye, kujtimi për të nuk është thjesht simbolik,ai është një frymëzim i vazhdueshëm.Fjalët e saj të paharruara:
“Bëj vetëm atë që të thotë zemra. Ji i mirë, pa pritur shpërblim, dhe beso se një ditë dikush tjetër mund të bëjë të njëjtën gjë për ty. Jeta është vetëm një udhëtim”,vazhdojnë të prekin e motivojnë breza të tërë.Lady Diana nuk do të harrohet kurrë. Kujtimi i saj mbetet i gjallë në zemrat e miliona njerëzve në mbarë botën.