STAMBOLL, 19 korrik 2026/Albania Express News/-Klubi turk i futbollit ”Fenerbahçe” zhvilloi ceremoninë e nënshkrimit për transferimet e reja Vedat Muriqi, Mason Greenwood dhe Nathan Ake.
Në ceremoninë e mbajtur në stadiumin ”Chobani” në Stamboll morën pjesë Greenwood, Ake, Muriqi, anëtari i bordit drejtues të klubit, Cihan Kamer, si dhe drejtori i futbollit Oguz Çetin.
Cihan Kamer tha se transferimet e reja janë realizuar pas një procesi të vështirë dhe se klubi ka punuar shumë për të sjellë lojtarë të rëndësishëm.
Ai theksoi se synimi i ”Fenerbahçes” është titulli kampion.
Oguz Çetin tha se dëshira e lojtarëve për të qenë pjesë e “Fenerbahçes” ishte shumë e rëndësishme dhe se klubi ka afruar tre futbollistë me vlera që do t’u përgjigjen pritshmërive të tifozëve.
”Do të tregoj se jam i denjë për këtë fanellë”, u shpreh Vedat Muriqi.
“Falënderoj anëtarët e bordit drejtues që më dhanë përsëri këtë mundësi. Do të tregoj se jam i denjë për këtë fanellë. Jam shumë i nderuar dhe krenar që do ta vesh përsëri këtë fanellë të nderuar”, tha ai.
Duke folur për rikthimin e tij te ”Fenerbahçe”, sulmuesi kosovar tha se tani ka më shumë përvojë krahasuar me periudhën e parë kur iu bashkua klubit.
“Kur erdha për herë të parë te Fenerbahçe isha 25-vjeç. Ishte hera e parë që bëhesha pjesë e një klubi të madh. Tani ndryshimi i vetëm është se jam shumë më me përvojë. Dëshira dhe ambicia ime vazhdojnë”, tha ai.
Nathan Ake tha se ishte shumë i lumtur për transferimin dhe se ”Fenerbahçe” ka një ekip të fortë. Ai theksoi se do të bëjnë maksimumin për të luftuar për titullin.
Mason Greenwood tha se është i lumtur që është pjesë e ”Fenerbahçes” dhe se dëshiron të kontribuojë për ekipin