Komisioni Rregullator ka mbajtur sot mbledhjen për shpalljen e rezultatit përfundimtar të zgjedhjeve për Kuvendin e Republikës së Shqipërisë, të datës 11 maj 2025. Në përfundim të mbledhjes dhe diskutimeve, Komisioni Rregullator me 3 vota pro dhe 2 kundër ka miratuar rezultatin përfundimtar të zgjedhjeve, duke certifikuar zgjedhjet.
Kështu Partia Socialiste i certifikohet rezultati i 83 mandateve, Partia Demokratike me 50 mandate, Partia Social Demokrate me 3 mandate, Partia Mundësia me 2 mandate dhe Nisma Shqipëria Bëhet, 1 mandat.
Dy votat kundër ishin nga anëtarët e opozitës, Muharrem Çakaj dhe Helga Bukaj.
Gjatë mbajtjes së seancës Çakaj kritikoi vendimmarrjen e kryekomisonerit të KQZ, Ilirian Celibashi, duke thënë se ka mbajtur dy standarde për deputetët e rij.