Armando Broja ka nisur aventurën e tij me Burnleyn në mënyrën më të mirë të mundshme. Sulmuesi i Kombëtares shqiptare asistoi që pas 5 minutash lojë në ndeshjen e Kupës së Ligës ndaj Derby County-t.
23-vjeçari kuqezi, i cili në dy ndeshjet e para të kampionatit nuk ishte as në stol, u zgjodh titullar dhe shpërbleu menjëherë besimin. Broja mori topin në zonë, lëvizi me elegancë dhe shërbeu për Aaron Ramsey-n, i cili shënoi me një goditje të saktë.
Pas transferimit këtë verë nga Chelsea për 23 milionë euro, Broja ka dhënë sinjalet e para se mund të ketë një rol të rëndësishëm te skuadra e re.