VLORË,3 qershor 2026/Albania Express News/Deputeti i PS Ardit Bido, ka ndarë në rrjetet sociale një foto ku shfaqet harta live e jahteve që aktualisht janë në Gjirin e Vlorës dhe atyre në ishujt grekë.
Bido shprehet se investimi në Zvërnec do të sjellë zhvillim dhe përfitime të mëdha për vendin, dhe se sipas tij, kështu do të ‘sfidohej’ shteti grek duke i marrë një pjesë të fluksit të jahteve dhe turistëve.
“Se na bëjnë dhe për budallenj! Të sfidoj: Futu tani te marinetraffic.com dhe shih live sa jahte janë në Gjirin e Vlorës (nja pesë në total) dhe sa janë në ishujt grekë të Jonit (me qindra në mos mijëra).
Pastaj, eja, si një koleg i imi sot, e më thuaj që nuk i shërben interesit grek kur kundërshton zhvillimin elitar të Vlorës që do thithte së paku nja 20% të fluksit grek që mos të shpenzonin milionat e tyre të eurove më Greqi por t’i hidhnin në ekonominë shqiptare! Nuk është kaq e vështirë të kuptohet e vetëkuptueshmja, por mund të ketë shumë zhurmë të qëllimshme që mos të kuptohet”, shkruan ai.