Federata Shqiptare e Hendbollit, në kuadër të projektit “Master Plan 360”, të mbështetur nga Federata Europiane e Hendbollit (EHF), organizoi një seminar teorik dhe praktik me lektorin ndërkombëtar, Prof. Dr. Alexandru Acsinete nga Rumania.
Seminari u zhvillua në ambientet e Universiteti “Marin Barleti” Tirane dhe u mbështet në mënyrë të veçantë nga përgjegjësi i DEFS, Prof. Asoc. Dr. Artan Pogoni, i cili luajti një rol kyç në realizimin me sukses të këtij aktiviteti.
Ky seminar kishte si qëllim rritjen e kapaciteteve profesionale të studentëve, stafit akademik të DEFS dhe trajnerëve të FSHH, duke përfituar nga përvoja dhe ekspertiza e lektorëve ndërkombëtarë.
Sekretari i Përgjithshëm i FSHH, z. Armand Cakalli, theksoi se bashkëpunimi ndërmjet FSHH dhe universiteteve shqiptare, me mbështetjen e Federata Europiane e Hendbollit (EHF) dhe Federata Ndërkombëtare e Hendbollit (IHF), do të ndikojë drejtpërdrejt në zhvillimin dhe rritjen e nivelit të sportit të hendbollit në Shqipëri.