Klubi i Elbasanit ka reaguar ashpër pas ndeshjes së mbrëmshme ndaj Dinamos, duke hedhur akuza të forta ndaj arbitrimit dhe sistemit VAR.
Në një deklaratë të shkurtër, Elbasani shpreh pakënaqësi të thellë për penalltinë e akorduar në favor të Dinamos, duke e cilësuar vendimin si të padrejtë dhe të ndikuar nga gjykimi i njëanshëm. Sipas klubit, përfshirja e arbitrit të shpallur më parë “non grata”, së bashku me vendimmarrjen në VAR, ngre dyshime serioze mbi paanshmërinë e procesit.
Elbasani thekson se raste të tilla nuk janë të izoluara, duke pretenduar se në të kaluarën i njëjti arbitër apo vendime nga VAR kanë qenë shpesh në disfavor të tyre. Klubi kërkon transparencë të plotë dhe analiza të detajuara të episodit, duke paralajmëruar se do të ndjekë çështjen në instancat përkatëse për të mbrojtur interesat e tij sportive.