Skuadra e Dinamos nuk ka humbur kohë, por ka prezantuar menjëherë edhe afrimin më të ri në ekip, një njohës të mirë të futbollit shqiptar. “Saliou Guindo është përforcimi i radhës për skuadrën tonë. Futbollisti 28-vjeçar ka bërë prezantimin me fanellën e Dinamo City dhe është vënë nën urdhrat e trajnerit Ilir Daja.
Pas Bernard Berishës, presidenti Adrian Bardhi bën një tjetër goditje, duke kompletuar sulmin blu me një element të rëndësishëm.
Guindo e njeh mjaft mirë kampionatin shqiptar, pasi është aktivizuar me disa skuadra, së fundi me Egnatian. Ai ka pasur po ashtu edhe disa eksperienca në kampionate të tjera të huaja.
Mirë se vjen dhe suksese me fanellën blu, Saliou Guindo!”, thuhet në njoftimin e klubit blu.