Ministri i Bujqësisë dhe Zhvillimit Rural, Andis Salla, gjatë vizitës në Athinë, zhvilloi një takim me Zv. Ministrin e Jashtëm të Greqisë, Haris Theoharis, ku u diskutua për forcimin e bashkëpunimit dypalësh, promovimin e investimeve dhe rritjen e eksporteve dhe shkëmbimeve tregtare ndërmjet dy vendeve.
Salla theksoi se Shqipëria i kushton rëndësi thellimit të partneritetit ekonomik me Greqinë, me fokus në sektorë me interes të përbashkët si bujqësia, agropërpunimi, turizmi rural, logjistika dhe energjia.
Ai vuri në dukje potencialin real për rritjen e eksporteve shqiptare drejt tregut grek, veçanërisht për produktet bujqësore dhe agroushqimore me vlerë të shtuar “Made in Albania”.
Bashkëpunimi do të përqendrohet gjithashtu në përmirësimin e klimës së biznesit, harmonizimin e standardeve dhe lehtësimin e tregtisë, si hapa konkretë për të rritur investimet dhe shkëmbimet dypalëshe.
Ministri Salla theksoi se diaspora shqiptare në Greqi mbetet një urë e rëndësishme që lidh dhe fuqizon marrëdhëniet ekonomike midis dy vendeve.
