Sunderland shton telashet e Burnley të Armando Brojës teksa e mundi pastër me rezultatin 3-0 në ndeshjen e javës së 24 të Premier League në një ndeshje ku sulmuesi i kombëtares shqiptare u aktivizua si zëvendësues në minutën e 63 në vend të Foster, por pa mundur dot të ndihmojë skuadrën e tij.
Sunderland ishte superior në këtë ndeshje ndaj burnley që nuk mundi të gjuajë asnjëherë në portën e skuadrës së Granit Xhakës që nuk ishte në fushën e lojës për shkak dëmtimi.
Një autogol i Axel Tuanzebe në minutën e 9 i hapi rrugën suksesit të Sunderland, ndërkohë që në minutën e 32 Habib Diarra coi shifrat në 2-0, ndërsa në pjesën e dytë, pikërisht në minutën e 72, Sunderland shënoi edhe golin e tretë me Talbin për të fiksuar shifrat në 3-0.
Me këtë fitore, Sunderland shkon në kuotën e 36 pikëve në vendin e 8, ndërsa Burnley po i afrohet gjithnjë e më shumë Championship teksa vazhdon ta shohë veten në vendin e parafundit me vetëm 15 pikë të grumbulluara në 24 javë kampionat.