Presidenti Donald Trump po diskuton “një gamë opsionesh” për të marrë Groenlandën, përfshirë përdorimin e ushtrisë amerikane, tha Shtëpia e Bardhë.
Në një deklaratë, Shtëpia e Bardhë i tha BBC-së se Trump e kishte bërë të qartë se marrja e Groenlandës ishte një “prioritet i sigurisë kombëtare”.
“Presidenti dhe ekipi i tij po diskutojnë një gamë opsionesh për të ndjekur këtë qëllim të rëndësishëm të politikës së jashtme, dhe sigurisht, përdorimi i ushtrisë amerikane është gjithmonë një opsion në dispozicion të Komandantit të Përgjithshëm,” thuhet në deklaratën e Shtëpisë së Bardhë.
Kjo vjen pasi Trump tha sërish gjatë fundjavës se SHBA “kishte nevojë” për Groenlandën– një rajon gjysmë-autonom i Danimarkës, një tjetër vend anëtar i NATO-s – për arsye sigurie.
Kryeministrja daneze Mette Frederiksen paralajmëroi të hënën se një sulm nga SHBA do të shënonte fundin e NATO-s.