Në prag të ndërrimit të viteve, Altin Ago ka ndarë një mesazh vlerësimi dhe mirënjohjeje në rrjetin e tij social Facebook, duke theksuar rëndësinë e atyre që edhe në natën festive vijojnë të jenë në shërbim të qytetarëve.
Ai ka bërë të ditur se ka qenë pranë punonjësve të Policisë, stafit shëndetësor dhe stafit ndihmës të Institucionit të Ekzekutimit të Vendimeve Penale (IEVP) Peqin, për t’i uruar personalisht me rastin e Vitit të Ri. Urimi i tij është shtrirë gjithashtu edhe për punonjësit e Policisë së Shtetit, shëndetësisë dhe shërbimeve mbështetëse që po punojnë gjatë kësaj nate.
Në mesazhin e publikuar, Altin Ago shpreh falënderim dhe mirënjohje për përkushtimin, profesionalizmin dhe sakrificën e përditshme të këtyre strukturave, duke nënvizuar se puna e tyre është thelbësore dhe e pazëvendësueshme, veçanërisht në momente kur shumica e qytetarëve festojnë pranë familjeve.
Ai u ka uruar shëndet, mbarësi dhe suksese në Vitin e Ri, duke shprehur dëshirën që viti 2026 të sjellë më shumë siguri, qetësi dhe vlerësim për punën fisnike që ata kryejnë në shërbim të shoqërisë.
Urime dhe suksese te mëtejshme per vitin 2026