Kombëtarja shqiptare, pasditen e kësaj të diele mbylli kualifikueset e Botërorit 2026, një fushatë që pavarësisht se e hapëm dhe e mbyllëm me humbje ndaj Anglisë, rezultoi e suksesshme teksa kuqezinjtë bënë historinë duke u kualifikuar për herë të parë në fazën e playoffit të kompeticionit.
Presidenti i Federatës Shqiptare të Futbollit Armand Duka me anë të një postimi në rrjetet sociale vlerësoi dhe shpreu mirënjohjen ndaj përkushtimit të kuqezinjve
‘Sonte zemra jonë luftoi më fort se rezultati. Jam krenar për çdo hap, çdo duel dhe falënderoj djemtë për përkushtimin e tyre të jashtëzakonshëm. Faleminderit edhe tifozëve për mbështetjen e pakushtëzuar! Ju jeni shtylla e kësaj skuadre. Play-off-i është i yni. Sonte festojmë arritjen, ndërsa nga nesër nis puna për sfidat e marsit!-shkruante kreu i FSHF në postimin e tij