Nga 14 deri më 17 nëntor 2025, qyteti i Elbasanit mirëpret artistë të njohur nga e gjithë Shqipëria në Koloninë Piktorike “Skampa 2025”.
Ky aktivitet kulturor synon të pasqyrojë bukuritë, historinë dhe shpirtin e qytetit përmes artit, duke i kthyer rrugët, monumentet dhe peizazhet e qytetit në veprat e artit të frymëzuara.
Piktorë të shquar si Agron Polovina, Alion Cano, Buron Kaceli, Dashnor Kulolli, Emirjona Stasi Nako, Edi Kojani, Elmal Baboci, Fatmir Dardha, Gazmend Leka, Gazmend Kafa, Helidon Haliti, Sadik Kasa, Nasuf Myftari, Nikolin Ivani, Kudret Durollari, Romeo Kallco, Sefedin Stafa, Vanjgo Vasili, Zaim Elezi dhe Kristjan Zara po realizojnë veprat e tyre duke i dhënë ngjyrë dhe frymëzim qytetit të Elbasanit.
Çdo pikturë ofron një pasqyrë të veçantë të historisë dhe kulturës lokale, duke e bërë këtë koloninë një ngjarje të veçantë për artdashësit.
Ky udhëtim krijues do të kulmojë të hënën, më 17 nëntor, me hapjen e Ekspozitës Finale në Hollin e Teatrit “Skampa” në orën 18:00.
Publiku do të ketë mundësinë të shohë nga afër të gjitha veprat e realizuara gjatë katër ditëve të kolonisë dhe të ndjejë energjinë artistike që ka mbushur rrugët dhe hapësirat e qytetit.