Eligert Hima, kandidati i koalicionit “Shqipëria Bëhet” për Bashkinë e Cërrikut, ka ushtruar paraditen e sotme të drejtën e votës. Pas votimit, ai dha një deklaratë të shkurtër për mediat, ku u bëri thirrje qytetarëve të marrin pjesë masivisht në procesin zgjedhor.
Hima theksoi se vota është instrumenti kryesor për të sjellë ndryshimin dhe për të vënë në funksion bashkinë.
“E vetmja mënyrë dhe i vetmi mjet që kemi për të vënë Bashkinë e Cërrikut në punë është vota. I ftoj qytetarët të marrin pjesë masivisht dhe të shprehin vullnetin e tyre,” u shpreh ai.
Procesi i votimit në Cërrik vijon normalisht, ndërsa kandidatët apelojnë për pjesëmarrje dhe qetësi.