Lulzim Basha, ish-kreu i Partisë Demokratike dhe aktualisht kryetar i Partisë Demokratët Euroatlantikë, është paraqitur sot në ambientet e SPAK.
Burime nga Prokuroria e Posaçme konfirmojnë se Basha është thirrur nga prokurori Alfred Shehu, për të dhënë deklarime në kuadër të hetimeve mbi ngjarjen e 21 janarit 2011, ku katër protestues humbën jetën përpara Kryeministrisë.
Në kohën kur ndodhi tragjedia, Lulzim Basha mbante postin e ministrit të Brendshëm në qeverinë e asaj kohe.
Sipas gazetareve në terren, përfshirë Anila Hoxhën e Top Channel, ish-ministri është paraqitur paraditen e sotme në selinë e SPAK-ut dhe pritet të japë sqarimet e tij mbi rrethanat e ngjarjes, në kuadër të hetimit të ri që ka rihapur dosjen pas shumë vitesh stanjacioni.