Si çdo vit, ndryshimi nga ora verore në atë dimërore do të bëhet të dielën e fundit të tetorit. Këtë vit, ndërrimi i orës do të ndodhë më 26 tetor, kur në të gjithë Europën do të nisë të funksionojë ora dimërore.
Konkretisht, në orën 04:00 të mëngjesit të së dielës, akrepat do të kthehen një orë pas, duke shënuar 03:00.
Ky ndryshim ndodh dy herë në vit: në javën e fundit të tetorit, kur ora kthehet pas, dhe në të dielën e fundit të marsit, kur ora shkon përpara, me qëllim shfrytëzimin sa më efikas të dritës së diellit dhe kursimin e energjisë elektrike.
Në pajisjet elektronike moderne, si telefonat e mençur apo kompjuterët, ndryshimi ndodh automatikisht. Megjithatë, kujdes duhet treguar me orët mekanike për të shmangur konfuzionin në rutinën e përditshme.
Ndryshimi i orës zbatohet në të gjitha vendet e Bashkimit Evropian, në kuadër të politikës së përbashkët për kursimin e energjisë.
Megjithëse heqja e këtij sistemi është diskutuar prej vitesh në institucionet evropiane, deri më sot nuk është marrë një vendim përfundimtar për ta anuluar.
