Sopoti i Librazhdit ka bërë zyrtare zgjedhjen e trajnerit të ri për sezonin e ardhshëm, duke besuar stolin te Rraman Hallaci. Një emër i njohur në futbollin shqiptar, si në rolin e futbollistit ashtu edhe të trajnerit, Hallaci pritet të sjellë eksperiencë dhe seriozitet në projektin e ri të klubit.
Objektivi është i qartë: rikthimi në Kategorinë e Parë. Me një grup të motivuar lojtarësh dhe me një drejtim teknik të konsoliduar, Sopoti synon të jetë protagonist në sezonin e ardhshëm të Kategorisë së Dytë. Klubi po ndërton një skuadër konkurruese, ndërsa trajneri i ri ka nisur menjëherë nga puna për të përgatitur ekipin për sfidat që e presin.
Mbështetja institucionale nuk mungon. Bashkia e Librazhdit dhe kryebashkiaku Mariglen Disha janë treguar mbështetës të vazhdueshëm të ekipit, duke ofruar të gjitha kushtet për të garantuar një sezon dinjitoz dhe ambicioz për Sopotin. Klima pozitive dhe përkushtimi që po shfaqet rreth skuadrës, janë sinjale që tek Librazhdi po mendohet seriozisht për ringritjen.
albaniaexpress.al