26 organizata ndërkombëtare dhe shqiptare për lirinë e medias dhe shoqërinë civile i janë drejtuar me një shkresë zyrtare kryetarit të Kuvendit, Niko Peleshi, duke kërkuar anulimin e planeve të mazhorancës për të kufizuar praninë e gazetarëve në parlament.
Në shkresë shprehet shqetësimi për planet e shumicës parlamentare për të hequr filmimet e pavarura dhe për të kufizuar kontaktet spontane me deputetët.
Organizatat kërkojnë:
- Ruajtjen e transparencës dhe aksesit të gazetarëve në Parlament
- Shmangien e praktikave që pengojnë pyetjet spontane dhe kontaktin e drejtpërdrejtë me deputetët dhe ministrat
- Zbatimin e standardeve europiane për lirinë e medias si pjesë e angazhimeve të Shqipërisë në rrugën e integrimit në BE
“Asociacioni i Gazetarëve të Shqipërisë nënvizon se kufizimi i qasjes së gazetarëve do të ishte një hap i rrezikshëm prapa për demokracinë dhe transparencën në vend”, deklaron organizata.