Java e gjashtë e Kategorisë Superiore ka sjellë lëvizje të rëndësishme në renditje, me Vllazninë dhe Egnatian që ndajnë kreun, ndërsa AF Elbasani zbret nga vendi i parë pas humbjes në Shkodër.
Shkodranët mposhtën minimalisht 1-0 Elbasanin falë golit të Jagos, duke marrë tre pikë me shumë peshë që i çojnë në kuotën e 13 pikëve, aq sa edhe kampionët e Egnatias, të cilët fituan në transfertë ndaj Vorës me rezultatin 1-0.
Pas tyre renditet AF Elbasani me 11 pikë, ndërsa në ndjekje janë Dinamo City dhe Teuta me nga 10 pikë secila. Dinamovitët fituan 2-0 ndaj Flamurtarit, ndërsa durrsakët mundën Bylisin me rezultatin 1-0.
Në derbin e kryeqytetit, Tirana regjistroi një fitore të thellë 3-0 ndaj Partizanit, duke marrë frymëmarrje pas një nisjeje të vështirë sezoni. Në fundin e tabelës, Flamurtari mbetet në krizë, me vetëm 2 pikë në 6 javë dhe asnjë fitore deri më tani.
Superiorja po hyn tashmë në fazën ku diferencat mes ekipeve fillojnë të ndjehen, ndërsa Vllaznia dhe Egnatia duken të vendosura të luftojnë fort për fronin.
Partizani – Tirana 0 – 3
albaniaexpress.al
