Roxhensa Kapurani, 39 vjeçe, e njohur edhe si Marina Fara dhe vajza e këngëtares së njohur Eli Fara, është arrestuar nga Policia. Arrestimi u bë pas një kontrolli fizik në Komisariatin e Policisë Vorë, ku tek ajo u gjet një sasi e dyshuar lënde narkotike, kokainë.
Ende nuk ka detaje shtesë lidhur me ngjarjen, përfshirë nëse Marina Fara ishte e shoqëruar nga ndonjë person tjetër. Materialet proceduriale janë referuar Prokurorisë për veprime të mëtejshme hetimore.
Marina Fara është gjithashtu një personazh i njohur në rrjetet sociale, ku shpesh poston foto dhe video që reklamojnë stilin e saj të jetesës.